“Барселона” мураббийлиги учун фаворит ўзгарди
Спорт
−
04 Март 2024 3938 1 дақиқа
Испаниянинг “Барселона” клуби ёзда мураббийликка Луис Энрикени таклиф этиш имкониятини кўриб чиқмоқда. Бу ҳақда “Cadena SER” хабар берди.
Манбага кўра, каталонияликлар клуби спорт директори Деку Энрикени Хави ўрнига яхши номзод сифатида кўрмоқда, бироқ, “Барселона”нинг молиявий муаммолари ва испаниялик мутахассиснинг 2025 йилнинг ёзига қадар ПСЖ билан шартномаси амалда бўлганлиги сабабли уни Каталонияга олиб келиш жуда қийин бўлади.
Қайд этилишича, Килиан Мбаппенинг кетиши муносабати билан ПСЖдаги муҳит бузилган, сўнгги ўйинларда форварднинг эрта захирага олинаётгани ҳақидаги танқидлар, шунингдек, раҳбарият билан бир қатор келишмовчиликлар бош мураббий билан шартномани муддатидан олдин тугатишга олиб келиши мумкин.
Эслатиб ўтамиз, аввалроқ Энрике охирги ўйинларда Мбаппе нега захирага олинаётганига изоҳ берганди.
Live
Барчаси
