Энрике охирги ўйинларда Мбаппе нега захирага олинаётганига изоҳ берди
Спорт
−
02 Март 3729
ПСЖ ҳужумчиси Килиан Мбаппе Лига 1 24-туридан ўрин олган “Монако”га (0:0) қарши ўйиннинг биринчи бўлимидан сўнг алмаштирилди.
Парижликлар бош мураббийи Луис Энрикенинг фикрича, жамоа Мбаппесиз ўйнашни ўрганиши керак, у келаси ёзда “Реал”га эркин агент сифатида ўтиши кутилмоқда.
“Мен футболда етарлича вақт бўлганман ва шуни билишингиз керакки, бундай клубда ҳамма нарса муҳим. Эртами-кечми Мбаппесиз ўйнаймиз, шунинг учун мен жамоа учун энг яхши вариантни қидиряпман. Баъзида мен ҳақман, баъзида ноҳақ. Биз Мбаппесиз ўйнашга кўникишимиз керак. Мен жамоам учун энг яхшисини қиламан. Бу менинг қарорим”, дейди мураббий.
Луис Энрике Мбаппе иккинчи бўлимни захира ўриндиғида эмас, онаси ёнида трибунадан кузатиб турганини билмади. Қолаверса, ўйин тугамасидан футболчи кийим алмаштириш хонасига йўл олди.
Бунгача Мбаппе “Ренн” билан ўйинда (1:1) 65-дақиқада захирага олинганди.
Live
Барчаси
