“Барселона” аср рекордини ўрнатди

Испания Ла Лигасининг 2024/2025 йилги мавсумининг 21-тур учрашувлари якунига етди. Мазкур турда Каталониянинг “Барселона” ва “Валенсия” клублари тўқнаш келди. Жамоалар Барселонадаги "Олимпия" стадионида куч синашди. Баҳсда “Барселона” “Валенсия”ни 7:1 ҳисобида мағлуб этиб, XXI аср рекордини ўрнатди.

Бу мавсумда Ханс-Дитер Флик қўл остидаги Каталония жамоаси голлари сони 100 (101) голдан ошиб кетди. Бунга эришиш учун “Барселона”га 32 та ўйин керак бўлди. Фақат Ҳеленио Эррера жамоаси 100 та гол учун 1958/1959 йилги мавсумда 31 та ўйин сарфлаган.

Ўтказилган 21 ўйиндан сўнг “Барселона” 42 очко билан Ла Лига турнир жадвалида 3-ўринда бормоқда. Жамоанинг азалий рақиби Мадриднинг “Реал” клуби эса 49 очко билан турнир жадвалида етакчилик қилмоқда. 45 очко билан Атлетико 2-ўринни банд этган.

Маълумот учун, “Барселона” Ла Лига доирасидаги кейинги ўйинини 2 февраль куни ўз уйида “Алавес”га қарши ўтказади. 22-турда “Атлетико” ўз уйида “Мальорка”ни қабул қилади, “Реал” эса сафарда “Эспаньол”га қарши баҳс олиб боради.