“Атлетико” Симеоненинг келгуси фаолияти борасида бир қарорга келди
Спорт
−
19 Сентябрь 2023 2317
Мадриднинг “Атлетико” клуби раҳбарияти жамоа бош мураббийи Диего Симеоне билан ҳамкорликни узайтиришга қарор қилди. Бу ҳақда “El Chiringuito” хабар берди.
Манбага кўра, янги шартнома 2 йил муддатга имзоланади. Октябрь ойидаги миллий терма жамоалар ўйинлари учун танаффус вақтида Симеоне билан музокара ўтказилади.
Диего Симеоне 2011 йилдан буён “Атлетико” клубини бошқариб келмоқда. Бу вақт ичида Мадрид клуби 2 марта Испания чемпионати ва Испания Суперкубогини қўлга киритди, 2 марта Европа Лигаси ва UEFA Суперкубогига эга чиқди, шунингдек, Испания кубогида ғолиб бўлди.
Ла Лиганинг 4 та туридан сўнг аргентиналик мутахассис жамоаси 7 очко жамғариб, турнир жадвалида 7-ўринда бормоқда.
Live
Барчаси
