“Арсенал” словениялик футболчини нишонга олди
Спорт
−
18:30387
Лондоннинг “Арсенал” клуби “Лейпциг” ҳужумчиси Бенжамин Шешкони сотиб олмоқчи. Бу ҳақда “Goal” нашри хабар берди.
Манбага кўра, лондонликлар январь ойида ҳужум чизиғидаги бўшлиқни Словения терма жамоаси ҳужумчиси Бенжамин Шешко билан тўлдирмоқчи. “Канонирлар” футболчи учун 70 миллион евро тўлашга тайёр. “Арсенал” мураббийи Микель Артета ҳам ҳужумчининг жамоага келиши тарафдори эканлигини билдирган.
Маълумот ўрнида, Шешко “Лейпциг” таркибига 2023 йилда келиб қўшилган ва амалдаги шартномаси 2029 йилга қадар мўлжалланган. У жорий мавсум клуб сафида 26 та ўйинда майдонга тушиб, 14 та гол урди ва 3 та ассист қайд этган. 21 ёшли ҳужумчининг нархи “Transfermarkt” порталида 50 миллион еврога баҳоланган.
