Аргентина Франция ва Уругвайни қувиб ўтди (Фотогалерея)
Спорт
−
19 Декабрь 2022 14796
Қатарда бўлиб ўтаётган Жаҳон чемпионати финалида Францияни мағлуб этган Аргентина терма жамоаси мундиалларда учинчи марта чемпионликни қўлга киритди.
Шу тариқа, Жанубий Америка терма жамоаси ушбу кўрсаткич бўйича Франция ва Уругвай жамоаларини ортда қолдирди. Бу кўрсаткич бўйича Бразилия терма жамоаси етакчи ҳисобланади - "селесао" ҳисобида бешта унвон мавжуд. Германия ва Италия тўрт мартадан Жаҳон чемпиони бўлган.
Маълумот учун, Аргентина терма жамоаси Жаҳон чемпионати гуруҳ босқичида Польша, Мексика ва Саудия Арабистони жамоаларини ортда қолдирди. 1/8 финалда Лионель Скалони шогирдлари Австралияни мағлуб этди - 2:1. Чорак финал баҳсида жанубий америкаликлар драматик кечган баҳсда Нидерландиядан кучлироқ бўлиб чиқди – лолалар юрти вакиллари асосий вақтда мағлубиятдан қутулиб қолди, аммо пеналтилар сериясида мағлуб бўлди. Ярим финал учрашувида Аргентина Хорватияни мағлуб этди - 3:0.
