Апрелдаги “Эль класико”нинг бошланиш соати аниқ бўлди
Спорт
−
09 Апрель 10386 1 дақиқа
26 апрель куни Мадриднинг “Реал” ва Каталониянинг “Барселона” клублари Испания кубоги финалида ўзаро тўқнаш келади ва ўйин Испания вақти билан 22:00 га белгиланди.
Шундай қилиб, навбатдаги “Эль класико” Тошкент вақти билан 01:00 да старт олади.
Маълумот учун, “Реал Мадрид” шу вақтга қадар 40 марта кубок финалига чиқиб, 20 тасида кубокни боши узра кўтарган. “Қироллик клуби” кубок финалида “Барселона” билан 7 марта тўқнаш келган ва 4 тасида ғалаба қозониб, 3 та ўйинда мағлубиятга учраган.
Ушбу тўқнашув Севилья шаҳридаги “Ла-Картуха” стадионида бўлиб ўтади.
