Анчелотти ҳозирда дунёнинг энг яхши футболчиси ким эканлигини айтди
Sport
−
05 January 2024 8195 1 minute
“Реал Мадрид” бош мураббийи Карло Анчелотти Англия терма жамоаси ярим ҳимоячиси Жуд Беллингемни ҳозирда дунёнинг энг яхши футболчиси эканлигини маълум қилди.
“Янги маданиятга, янги тилга мослашиши кераклигини инобатга олсак, у жуда яхши ишламоқда... У шубҳасиз, дунёнинг энг яхши футболчиси”, дейди Анчелотти.
Маълумот учун, Жуд Беллингем ўтган ёзда “Боруссия Дортмунд”дан “Реал”га ўтган эди. Жорий мавсумда Ла Лиганинг 17 та учрашувида 20 ёшли ярим ҳимоячи 13 та гол урди ва 2 та голли узатмани амалга оширди.
Айни дамда Испания чемпионатида ўтказилган 19 та ўйиндан сўнг, “Реал” 48 очко билан пешқадамлик қилмоқда. Ички чемпионатнинг навбатдаги учрашувида Карло Анчелотти шогирдлари “Альмерия”га қарши майдонга тушади. Ўйин 21 январь куни бўлиб ўтади.
Live
AllBloger Aziz Hakimov 4 yilga qamaldi
11 August
Putin hech narsadan qo'rqmasligini aytdi
11 August