Аморим МЮда янги антирекорд ўрнатди

“Кристал Пэлас”дан учралган мағлубият “Манчестер Юнайтед” учун Рубен Аморим қўл остида Англия чемпионатининг уй учрашувлардаги бешинчиси бўлди. Бу жамоанинг португалиялик мутахассис қўл остида АПЛ доирасида “Олд Траффорд”даги еттинчи ўйинида юз берди ва клуб тарихидаги энг ёмон натижа қайд этилди. Бу ҳақда “Opta” хабар берди.

Дэвид Мойес бошчилигидаги “Ман Юнайтед” Англия Премьер лигасидаги бешинчи мағлубиятини 14 учрашувда қабул қилган, Эрик тен Хаг 28, Луи ван Гал 30, Оле-Гуннар Сульшер 31, Алекс Фергюсон 88 та уй ўйинидагина 5 марта мағлубиятга учраган .

Жозе Моуриньо ва Ральф Рангник бошчилигидаги “Манчестер Юнайтед” Англия Премьер лигасининг бешта уй учрашувида мағлуб бўлмаган.

Ўтказилган 24 та ўйиндан сўнг “Манчестер Юнайтед” 29 очко билан АПЛ турнир жадвалида 13-ўринда бормоқда. 56 очко билан ҳамон чемпионатда “Ливерпуль” карвонбошилик қилмоқда. “Арсенал”, “Форест”, “Манчестер Сити” ва “Ньюкасл” кучли бешликка якун ясаб берган.

Маълумот учун, МЮ кейинги ўйинини 8 февраль куни Англия кубоги 4-раунди доирасида ўз уйида “Лестер Сити”га қарши ўтказади. “Қизил иблислар”нинг АПЛдаги навбатдаги ўйини эса сафарда “Тоттенхем”га қарши 16 февраль куни бўлиб ўтди.