“Amerika orzu”sini ro‘yobga chiqarmoqchi bo‘lgan yana bir firibgar ushlandi
3-sahifa
−
15 avgust 2023 3634
Qashqadaryoda Amerika Qo‘shma Shtatlariga ishga yuborishni va’da qilgan firibgar qo‘lga olindi. Bu haqda Bosh prokuratura huzuridagi departament axborot xizmati xabar berdi.
Qayd etilishicha, Bosh prokuratura huzuridagi departamentning Qashqadaryo viloyati boshqarmasi tomonidan IIB xodimlari bilan hamkorlikda o‘tkazilgan tezkor tadbirda muqaddam firibgarlik jinoyati uchun sudlagan X.J. fuqaro Sh.O.ni 15 ming AQSH dollari evaziga Meksika davlati orqali AQSHga ishlash uchun yuborishini va’da bergan. Fuqaro X.J. oldindan 5 ming AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Eslatib o‘tamiz, bundan bir necha kun oldin poytaxt Toshkentda Turkiya orqali 51 ming AQSH dollari evaziga Amerikaga yuborishni va’da bergan fuqaro ushlangan edi.
Live
Barchasi
