АҚШнинг Ўзбекистондаги элчихонаси барча турдаги визаларни беришни қайта тиклади

Жамият 3982
image
-

АҚШнинг Ўзбекистондаги элчихонаси чекланган миқдорда барча турдаги визаларни бериш учун қабулни бошлади. Бу ҳақда элчихонанинг Матбуот хизмати маълум қилди

“Чекланган ресурслар, шунингдек суҳбат учун жойлар камлиги сабабли, виза олиш учун мурожаат қилганлар суҳбатга ёзилиш учун одатдагидан кўпроқ кутишга тайёр бўлишлари ва шунга мувофиқ саёҳатни режалаштиришлари керак”, дейилади элчихона хабарида.

Қайд этилишича, иммиграцион бўлмаган визалар учун аризалар биринчи навбатда Ўзбекистон фуқаролари ва мамлакатда яшовчилардан қабул қилинади.

Мутахассислик бўйича иш (H1B / H4), шунингдек компаниялараро кўчиш учун визалар (L1 / L2) тезлаштирилган суҳбат асосида кўриб чиқилиши мумкин.

Қуйидаги ҳолатларда шошилинч суҳбатга мурожаатлар қабул қилиниши мумкин:

  • F-1, F-2, M-1, M-2  (талабалик визалари);
  • J-1, J-2 (биржа иштирокчилари учун);
  • C1 / D (транзит ва экипаж визалари);
  • I (матбуот вакиллари ва журналистлар учун);
  • О (катта ютуқ ёки қобилиятга эга бўлганлар учун);
  • Р (халқаро миқёсда тан олинган спортчилар, саънаткорлар);
  • Норезидентлар:  E, H1B, L, O ва P.

Эслатиб ўтамиз, АҚШ Президенти Жо Байден қарорига кўра, хорижий фуқаролар сўнгги 14 кун ичида Жанубий Африка, Бразилия, Ирландия, Буюк Британия, Хитой, Эрон ёки Шенген зонасига кирувчи 26 мамлакатнинг бирида бўлган тақдирда Америкага кира олмайди.

Диёра Абдураҳмoнова
Мақолага баҳо беринг
Баҳолаганлар: 174
Рейтинг: 2.9
Теглар
t
×