Африкада бубоник вабо эпидемияси бошланди

Олам 4789
image

Конго Демократик Республикасида бубоник вабо эпидемияси бошланди. “Jeune Afrique” бу ҳақда Итурий вилояти соғлиқни сақлаш бошқармаси бошлиғи Патрик Карамуранинг баёнотига асосланиб ёзмоқда.

Бундан ташқари, Африка мамлакатида пневмония ва септик вабо билан касалланиш ҳолатлари қайд этилган. Сўнгги маълумотларга кўра, 520 дан ортиқ одам уни юқтирган, 31 киши вафот этган.

Нью-Йоркда жойлашган “Экологик саломатлик альянси” нодавлат ташкилотининг эпидемиологи Анна Лодисуанинг сўзларига кўра, юқтириш ҳолатлари 2020 йил 15 ноябрдан 13 декабргача пайдо бўла бошлаган. Инфекцияни юқтирганларнинг ўртача ёши – 13 ёш. Бу ҳолатлар орасида энг баланд ёш эса 73.

Аввалроқ, жорий йилнинг 14 февраль куни Гвинея Ҳукумати мамлакатда Эбола безгаги эпидемияси бошланганини эълон қилганди.

Умиджон Нозимжонов
Мақолага баҳо беринг
Баҳолаганлар: 217
Рейтинг: 2.8
t
×