Абитуриентларга рухсатномалар бериш бошланди
Жамият
−
09:07 610 1 дақиқа
2026–2027 ўқув йилида олий ва касбий таълим муассасаларига ўқишга кириш учун онлайн рўйхатдан ўтган абитуриентларга “Абитуриент рухсатномаси”ни бериш бошланди. Бу ҳақда Билим ва малакаларни баҳолаш агентлиги маълум қилди.
Қайд этилишича, абитуриентлар тест синовларида иштирок этиш учун рухсатномани my.uzbmb.uz сайти орқали шахсий идентификация рақами ҳамда паспорт серияси ва рақамини киритган ҳолда юклаб олишлари мумкин.
Абитуриентлар тест синовига паспорт (ID-карта) ва абитуриент рухсатномаси билан белгиланган вақтдан кечикмаган ҳолда келишлари лозим.
Паспорт нусхаси ёки бошқа ҳужжатлар билан келган, шунингдек, белгиланган вақтдан кечиккан абитуриентлар тест синовларига киритилмайди.
Эслатиб ўтамиз, аввалроқ чет тили фани мавжуд бўлган бакалавриат таълим йўналишларига киришда хорижий тил бўйича B1 сертификати учун 75 фоиз балл берилиши ҳақида хабар берилган эди.
Live
Барчаси
