Абдуқодир Ҳусанов яна бир мавсум “Ланс”да қолиши мумкин

Франциянинг “Ланс” клубида тўп тепаётган ўзбекистонлик ҳимоячи Абдуқодир Ҳусанов яна бир мавсум ҳозирги клубида қолиши мумкин. Бу ҳақда QALAMPIR.UZ манбаси хабар берди.

20 ёшли ҳимоячи ҳозирда клубининг ажралмас қисми бўлиб улгурган ва боз устига “Ланс” Ҳусанов трансфери учун унга қизиқаётган клублардан катта сумма талаб қилмоқда, бу эса футболчининг бошқа жамоага ўтишини қийинлаштиради.

Франция клуби ўзбекистонлик ҳимоячи трансферидан 50 миллион еврогача ишлаб олиш ниятида. Ҳозирги вақтда Ҳусановга Англия, Испания, Туркия ва яна бир нечта топ чемпионатлардан таклифлар бор.

Маълумот учун, Ҳусанов жорий мавсум “Боллар-Делелис” эгалари сафида 16 та ўйинда майдонга тушиб, 1 та ассист расмийлаштирди. Унинг “Ланс” билан шартномаси 2027 йил ёзига қадар мўлжалланган.

Эслатиб ўтамиз, аввалроқ Туркиянинг “Фенербахче” клуби Ҳусановни ўз сафига қўшиб олмоқчи эканлиги хабар қилинганди.