40 ёшли Бетербиев ҳали-бери боксдан кетмоқчи эмас
Спорт
−
19 Февраль 1524
Енгил вазнда (79,4 кг гача) мутлақ жаҳон чемпиони россиялик Артур Бетербиев боксдаги фаолиятини қачон якунлаши ҳақида сўз очди.
“Билмайман... Ҳозирча ҳаммаси яхши кетмоқда. Кайфиятим яхши. Саломатлик яхши. Мен давом этмоқчиман. Ҳар қандай она сингари, онам мен ҳақимда қайғуради. Онам доим мендан хавотирланади, лекин у мени қўллаб-қувватлайди”, дейди Бетербиев.
22 февраль куни Ар-Риёдда Бетербиев ҳамюрти Дмитрий Бивол билан реванш жангини ўтказади. Томонлар ўртасидаги биринчи жангда Бетербиев ҳакамлар қарорига кўра ғалаба қозонганди.
Маълумот учун, Бетербиев ҳозирда 40 ёшда. У профбоксда 21-0 рекордга эга. Бивол устидан қозонилган ғалабадан кейин Бетербиев ўз вазнида мутлақ жаҳон чемпионига айланди. У WBC, WBO, IBF ва IBO камарлари соҳиби ҳисобланади.
Live
Барчаси
