3 миллиондан ортиқ одам Аргентинани ЖЧдан четлатмоқчи

Интернетда Аргентина миллий терма жамоасини 2026 йилги Жаҳон чемпионатидан четлатиш талаб қилинган петиция пайдо бўлди. Ҳозирда 3 миллиондан ортиқ киши амалдаги чемпионларни мусобақадан четлатишни талаб қилмоқда.

Петиция муаллифларининг таъкидлашича, ҳозирга қадар унга 3 миллиондан ортиқ киши имзо чеккан.

“FIFA ва ҳакамлар Лионель Месси ҳамда Аргентина терма жамоасига нисбатан очиқчасига ён босмоқда. Агар чемпион олдиндан маълум бўлган бўлса, нега бошқа жамоалар мусобақада иштирок этиши керак? Аргентинани Жаҳон чемпионатидан четлатинг ва бошқа терма жамоаларга адолатли имконият беринг”, дейилади петицияда.

Маълумот учун, 2026 йилги Жаҳон чемпионати нимчорак финалидан ўрин олган Миср ва Аргентина учрашувидан кўплаб мухлисларда ҳакамлар ва FIFA Аргентинага ёрдам беряпти деган эътирозлар пайдо бўлди.

Эслатиб ўтамиз, Аргентина чорак финалда Швейцарияни 3:1 ҳисобида мағлуб этиб, ярим финалга йўл олган эди. Энди жамоа финал йўлланмаси учун Англияга қарши баҳс олиб боради.