2022 йилда аёл журналистларнинг тўртдан уч қисми онлайн зўравонликка учраган – Гутерриш
Олам
−
03 Май 2023 3487
2022 йилда камида 67 нафар оммавий ахборот воситалари ходими ҳалок бўлиб, аёл журналистларнинг деярли тўртдан уч қисми онлайн зўравонликка дучор бўлган ва ҳар тўртдан бири жисмоний таҳдидларга дучор бўлган. Бу ҳақда БМТ Бош котиби Антониу Гутерриш бугун, 3 май куни Жаҳон матбуоти эркинлиги кунига бағишланган халқаро конференция давомида айтиб ўтди.
“Медиа индустриясининг бир неча киши қўлида жамланиши, ўнлаб мустақил ахборот ташкилотларининг молиявий таназзулга учраши ва журналистик фаолиятни бўғувчи миллий қонун ва қоидаларнинг кўпайиши цензурани янада кучайтиради ва сўз эркинлигига таҳдид солади”, дейди БМТ раҳбари.
Унинг сўзларига кўра, 2022 йилда камида 67 нафар оммавий ахборот воситалари ходими ҳалок бўлган. Бу бир йил аввалгига нисбатан 50 фоизга кўпдир.
“Эркин журналистика барчамизга ўз фикримизни шакллантиришимиз ва мавжуд кучларга ҳақиқатни айтишимиз керак бўлган фактларни беради”, дейди у.
Шунингдек, аёл журналистларнинг деярли тўртдан уч қисми онлайн зўравонликка дучор бўлган ва ҳар тўртдан бири жисмоний таҳдидларга дучор бўлган.
"Дўқ-пўписа ва ҳужумларни тўхтатинг. Журналистларни ўз ишини қилгани учун ҳибсга олишни ва қамоққа олишни бас қилинг. Ёлғон ва дезинформацияни бас қилинг", дея таъкидлаган БМТ Бош котиби.
Маълумот учун, 1993 йил декабрь ойида UNESCO таклифи билан БМТ Бош Ассамблеяси томонидан 3 май – Жаҳон матбуоти эркинлиги куни деб эълон қилинган. Шундай қилиб, бу йил у 30-маротаба нишонланмоқда.
