17 ёшида Сурияга кетган ўзбекистонлик йигит ўлдирилгани маълум бўлди
3-саҳифа
−
12 Апрель 15667
17 ёшида яширин йўллар орқали Суриядаги террорчилар сафига қўшилган Сирожиддин Шокиров жанг майдонида ўлдирилган. Бу ҳақда бугун, 12 апрель куни Тошкент шаҳар Ички ишлар бош бошқармаси хабар берди.
Қайд этилишича, Сирожиддин Лазиз ўғли Шокиров 1997 йилда Тошкент шаҳрида туғилган. У 2014 йилда Сурия давлатидаги террорчилар сафига қўшилади. 2015 йилда унга нисбатан Жиноят кодексининг 244 прим 2-моддаси 1-қисми билан жиноят иши қўзғатилиб, қидирув эълон қилинган.
Шокиров 17 ёшга тўлиб-тўлмай Ўзбекистонни тарк этиб, Қозоғистон Республикаси орқали Туркияга боради ва у ердан экстремистик оқим ёрдамида яширин йўллар билан Сурия давлатига ўтиб, ИШИД халқаро террорчилик ташкилотига бирлашиб, унинг таркибида бузғунчилик фаолиятини амалга ошириш мақсадида амалий ўқув машғулотларини ўтайди.
Тезкор маълумотларга кўра, Шокиров жангарилик ҳаракатларида қатнашиб вафот этган ва унга нисбатан қўлланилган қидирув эълони тўхтатилган.
Эслатиб ўтамиз, кеча, 11 апрель куни террорчи гуруҳларни молиялаштириб келаётган ўзбекистонлик қидирувга берилган эди.
Live
Барчаси
