16 нафар ўзбекистонлик боксчи халқаро турнирда ғалабага эришди

Болгария пойтахти София шаҳрида бокс бўйича “Странжа” анъанавий турнири жанглари ўтказилмоқда. 23 февраль куни 20 нафар ўзбекистонлик боксчи кейинги босқич йўлланмаси учун жанг қилди.

Ўзбек боксчиларидан Одилжон Аслонов, Нодиржон Мирзаҳмедов, Шаҳзод Музаффаров ва Темурхон Собиров рақибига имкониятни бой бериб турнир билан хайрлашди. 

23 февраль куни қайд этилган натижалар:

-51 кг: Ҳасанбой Дўсматов - Джанис Салоцких (EUBC) - 5:0 - ғалаба;

-57 кг: Абдумалик Халаков - Жунмилардо Огайре (Филиппин) - 5:0 - ғалаба;

-92 кг: Лазизбек Мулложонов - Рик де Нуиер (Нидерландия) - 5:0 - ғалаба;

-80 кг: Жасурбек Йўлдошев - Айгун Бирол (Туркия) - 5:0 - ғалаба;

-92 кг: Мадиёр Саидраҳимов - Садам Магомедов (Сербия) - 4:1 - ғалаба;

-80 кг: Одилжон Аслонов - Туохетаербиеке Танглатиан (Хитой) - 0:5 - мағлубият;

-48 кг: Шодиёржон Мелиқўзиев - Барегам Харутюнян (Арманистон) - 5:0 - ғалаба;

-48 кг: Нодиржон Мирзаҳмедов - Говинд Кумар Саҳани (Ҳиндистон) - 0:5 - мағлубият;

-54 кг: Миразизбек Мирзахалилов  - Карло Паалам (Филиппин) - 5:0 - ғалаба;

-60 кг: Шунқор Абдурасулов - Артур Хазарян (Арманистон) - 5:0 - ғалаба;

-60 кг: Атхамжон Мухиддинов - Мурат Йилдирим (Германия) - 5:0 - ғалаба;

-54 кг: Шаҳзод Музаффаров - Сачин (Ҳиндистон) - 1:4 - мағлубият;

-60 кг: Дилшод Абдумуродов - Жулифер Баскон (Филиппин) - 5:0 - ғалаба;

-71 кг: Нурислом Исмоилов - Аидан Валш (Ирландия) - Рақиб жароҳат туфайли жангга чиқмади, Исмоилов кейинги босқичга йўл олди;

-67 кг: Асадхўжа Мўйдинхўжаев - Лорис Идризи (Косово) - 5:0 - ғалаба;

-67 кг: Бекзод Ҳамидов - Темирхан Тезек (Қозоғистон) - 3:2 - ғалаба;

-71 кг: Саиджамшид Жафаров - Вахид Аббасов (Сербия) - 4:1 - ғалаба;

-86 кг: Темурхон Собиров - Томас Ниедзвиецки (Польша) – мағлубият. Собиров жароҳат сабаб жангни давом эттира олмади;

+92 кг: Баҳодир Жалолов - Камшибек Конкабаев (Қозоғистон) - Рақиб жангда иштирок этишдан бош тортди. Жалолов кейинги босқичга йўл олди.

-86 кг: Шоҳжаҳон Абдуллаев - Бекзат Тангатар (Қозоғистон) - 5:0 - ғалаба;

+92 кг вазн тоифасида Баҳодир Жалолов қозоғистонлик Камшибек Кўнкабаевга қарши жанг ўтказиши керак эди, аммо Кўнкабаев номаълум сабабларга кўра рингга чиқмади ва унга техник мағлубият ёзилди. 

Умумий ҳисобда кечаги баҳсларда 16 нафар Ўзбекистон вакили турнирдаги ғалабали юришини давом эттирди. Бугун, 24 февраль куни яна 10 нафар ўзбекистонлик чарм қўлқоп усталари навбатдаги жангини ўтказади.