12 ёшли қизни зўрлаб ўлдирганликда айбланаётган шахснинг иши ёпиқ судда кўрилади

3-саҳифа

image

Жорий йилнинг 31 январь куни Тошкент шаҳрининг Янгиҳаёт туманида 12 ёшли қизнинг ўлимида айбланиб, ушланган шахснинг иши ёпиқ суд мажлисида кўрилади. Бу ҳақда Олий суд Матбуот хизмати хабар берди.

Келтирилишича, Жиноят кодексининг 97-моддаси (қасддан одам ўлдириш) 2-қисми “в”, “ж”, “з”, “о” бандлари, 104-моддаси (қасддан баданга оғир шикаст етказиш) 2-қисми “в” банди, 118-моддаси (номусга тегиш) 4-қисми, 119-моддаси (зўрлик ишлатиб, жинсий эҳтиёжни ғайритабиий усулда қондириш) 4-қисми, 134-моддаси (қабрни таҳқирлаш), 137-моддаси (одам ўғирлаш) 3-қисми “б” банди ва 226-моддаси (маъмурий назорат қоидаларини бузиш) 1-қисмида назарда тутилган жиноятларни содир этганликда айбланаётган (1993 йилда Тошкент вилоятида туғилган) А.Т.га оид жиноят иши жиноят ишлари бўйича Яккасарой туман судининг иш юритувига келиб тушган.

Жиноят-процессуал кодексининг 19-моддаси (судда жиноят ишларининг ошкора кўрилиши) талабларига мувофиқ мазкур жиноят иши ёпиқ суд мажлисида кўриб чиқилиб, қўшимча маълумот суд жараёни якуни бўйича берилади.

Аввалроқ Бош прокуратура Матбуот хизмати 12 ёшли қизнинг қотиллиги билан боғлиқ жиноят иши айблов хулосаси билан мазмунан кўриб чиқиш учун судга юборилганини маълум қилган эди.

Эслатиб ўтамиз, 31 январь куни Янгиҳаёт туманида зўрлик ва қотиллик аломатлари билан 12 ёшли қизнинг мурдаси топилган. Жиноят иши бўйича гумонланувчи шахс (29 ёшли эркак) Жиноят-процессуал кодексининг 221-моддаси тартибида ушланган эди. Гумонланувчи шахс марҳуманинг хонадонида 2022 йилнинг ёз ойларида ёлланма ишчи сифатида таъмирлаш ишларини амалга оширган.


Мақола муаллифи

Теглар

суд Тошкент Янгиҳаёт 12 ёшли қиз

Баҳолаганлар

0

Рейтинг

3

Мақолага баҳо беринг

Дўстларингиз билан улашинг