Алиев Тоғли Қорабоғда тарихий ғалабага эришилганини маълум қилди

Олам

image

Тоғли Қорабоғдаги Шуша шаҳри Озарбайжон Қуролли кучлари назоратига ўтди. Бу ҳақда мамлакат Президенти Илҳом Алиев халққа йўллаган мурожаатида айтиб ўтди.

“8 ноябрь санаси бутун умрга мамлакатимиз тарихига киради. Қуролли кучлар Шушани назоратга олди. Биз бу ғалабани жанг майдонида қўлга киритдик, музокара столида эмас. Музокаралар маъносиз бўлиб чиқди”, деган Алиев.

Аммо Арманистон Мудофаа вазирлиги бу маълумотни инкор қилди. Улар шаҳар учун жанглар давом этаётганини иддао қиляпти. Бундай ҳолатлар бошқа ҳудудлар эгалланганда ҳам кузатилганди.

Шуша Тоғли Қорабоғдаги энг муҳим шаҳарлардан бири ҳисобланади. У тан олинмаган Тоғли Қорабоғ Республикаси пойтахти Степанакертдан 11 километр узоқликда жойлашган.

Тоғли Қорабоғ можароси

Расмий Бакуга кўра, Арманистон Қуролли Кучлари жорий йилнинг 27 сентябрь куни соат 06:00 дан бошлаб Озарбайжонга қарши кенг кўламли провокацияларни амалга оширди, бутун фронт бўйлаб Озарбайжон армиясининг позицияларини, шунингдек, олдинги чизиқ зонасида жойлашган аҳоли пунктларини ўққа тутди.

Арманистон ҳужум Озарбайжон қуролли кучлари томонидан бошланганини айтмоқда. Озарбайжон эса қуролли тўқнашувга нисбатан жавоб ҳужумлари бошлаганини расман эълон қилиб, Арманистон чегарасидаги тинч аҳоли вакилларини чегара ҳудудларидан четга чиқишларини сўради.

Ҳолат бўйича Озарбайжон Республикаси Президенти Илҳом Алиев халққа мурожаат билан чиқиб, тўқнашув Озарбайжоннинг провокацияси эмаслигини айтди.

Никол Пашинян эса мамлакатда ҳарбий ҳолат ва умумий сафарбарлик эълон қилди.  Бунинг ортидан Илҳом Алиев мамлакатда ҳарбий ҳолат ва комендантлик соати эълон қилиш ҳақидаги фармонга имзо чекди. Шунингдек, Алиев 28 сентябрь куни қисман сафарбарлик эълон қилиш ҳақидаги ҳужжатни имзолади

Озарбайжон ва Арманистон ўртасида кескинлик авж олгандан кейин Ташқи ишлар вазири Сергей Лавров икки мамлакат Ташқи ишлар вазирлари билан телефон орқали мулоқот қилиб, уларни музокаралар столига қайтишга чақирган эди. Президент Владимир Путин эса Никол Пашинян билан мулоқот қилиб, масалани тинч йўл билан ҳал этишни тавсия қилди. Бу орада Озарбайжон Президенти Илҳом Алиев асосий куч ва дастакни Туркия Республикасидан олаётгани маълум бўлди. Шу куни Туркия ва Озарбайжон Президентлари телефон орқали мулоқот қилдилар ва Эрдўған турк халқи ва давлати Озарбайжонни бор имконияти билан қўллаб-қувватлашини эслатди

Озарбайжон ва Арманистон ўртасидаги Тоғли Қорабоғ можароли зонасидаги вазият кўп жиҳатдан Россияга боғлиқ. Россия Бирлашган Миллатлар Ташкилоти Хавфсизлик Кенгашининг доимий аъзоси, шунингдек Европада хавфсизлик ва ҳамкорлик ташкилоти Минск гуруҳининг ҳамраиси. 1 октябрь куни гуруҳ ҳамраислари – АҚШ, Россия ва Франция Тоғли Қорабоғ масаласида қўшма баёнот эълон қилдилар.


Мақола муаллифи

Теглар

Илҳом Алиев Қорабоғ тўқнашуви

Баҳолаганлар

267

Рейтинг

3

Мақолага баҳо беринг

Дўстларингиз билан улашинг