Ташқи меҳнат миграцияси агентлиги Кореяда ишга жойлашиш бўйича маълумот берди

Жамият 4137
image

Ўзбекистон Республикаси Ташқи меҳнат миграцияси агентлиги Матбуот хизмати Жанубий Корея Республикаси ҳудудида ишга жойлашишнинг 6 та босқичи ҳақида маълумот берди.

Унга кўра,

1-босқичда билимни баҳолаш марказида корейс тилини билиш даражаси бўйича тестдан муваффақиятли ўтиш лозим бўлади.

2-босқичда эса Кореянинг Инсон ресурсларини ривожлантириш хизмати (HRD) томонидан ўтказиладиган EPS-TOPIC тест имтиҳонидан ўтиш керак бўлади.

3-босқич ўз ичига HRD вакиллари томонидан ўтказиладиган малака тестида (skill test) қуйидаги машқлар ва суҳбатни ўз ичига олади:

– ранг ажратишни синаш (дальтонизм);

– жисмоний машқ (қўл кучини синаш, бўй ва вазн ўлчаш, оғирлик кўтариш машқи);

– малака тести (рангли халқачаларни ажратиш ва жой-жойига қўйиш, пўлат симларни белгиланган ҳажмда қирқиш, пробиркаларда белгиланган ҳажмни ўлчаш, темир халқаларни жой-жойига жойлаштириш);

– корейс тилида мутахассис билан суҳбатлашиш;

4-босқичда малака тестидан муваффақиятли ўтган фуқаролар HRD томонидан белгиланган муддатларда Корея иш берувчиларининг махсус SPAS базасига киритилади.

5-босқичда эса Корея томонидан шартнома лойиҳаси тақдим этилган фуқаролар тиббий кўрикдан ўтказилиб, ўқиш ва адаптация жараёнларидан ўтади.

6-босқичда Жанубий Корея Республикасининг Ўзбекистондаги консуллик хизмати томонидан фуқароларга виза расмийлаштирилади ва 4 йил 10 ой муддатга меҳнат фаолиятини амалга ошириш учун жўнаб кетилади.

Эслатма!

Фуқароларни Корея Республикасига ишга жўнатиш (E-9 ишчи виза) ҳуқуқига эга ягона ташкилот Ташқи меҳнат миграцияси агентлиги ҳисобланади, хусусий бандлик агентликларининг бунга ваколати йўқ.

Qalampir.uz Tahririyati
Мақолага баҳо беринг
Баҳолаганлар: 148
Рейтинг: 2.9
t
×