Ҳусанов ёш бўлишига қарамай, кучли ўйин кўрсатмоқда – Диаш
Спорт
−
13 Март 3711
“Манчестер Сити” клуби ҳимоячиси Рубен Диаш ўзбекистонлик футболчи Абдуқодир Ҳусанов ёш бўлишига қарамасдан жуда кучли ўйин намойиш этаётганини айтди.
“Ҳусанов ҳали ёш, аммо у жуда яхши ўйин кўрсатмоқда. “Ноттингем”га қарши баҳсда ҳам у ажойиб ҳаракат қилди”, дейди Диаш.
Маълумот ўрнида, ўзбекистонлик футболчи Абдуқодир Ҳусанов жорий мавсумда “шаҳарликлар” сафида 7 та ўйинда майдонга тушиб, 1 та гол уришга муваффақ бўлди. Унинг клуб билан амалдаги шартномаси 2029 йилга қадар мўлжалланган.
Эслатиб ўтамиз, Ҳусанов февраль ойида “Манчестер Сити”да ойнинг энг яхши футболчиси деб топилди. У бу соврин учун курашда ҳужумчи Эрлинг Холанд ва ҳимоячи Йошко Гвардиолдан устун келди. Овоз бериш жараёнида Ҳусанов 64 мингдан зиёд овоз тўплади.
