Ҳусанов нега “Лестер”га қарши ўйин қайдномасига киритилмади?
Спорт
−
02 Апрель 20324
Англия чемпионати 30-туридан ўрин олган “Манчестер Сити” - “Лестер” жамоалари ўртасидаги учрашув стартига бир неча дақиқа қолганда “шаҳарликлар” ўйин қайдномасини эълон қилди ва қайдномада ўзбекистонлик ҳимоячи Абдуқодир Ҳусанов номи келтирилмади.
Маълум бўлишича, Ҳусановда жароҳат йўқ ва “шаҳарликлар” устози Пеп Гвардиола шунчаки ўзбекистонлик 21 ёшли футболчига дам беришга ва уни кейинги турда бўладиган “Манчестер Юнайтед” билан ўйинга асрашга қарор қилган.
Қайд этиш жоиз, Ҳусанов Англия кубоги чорак финалидан ўрин олган “Борнмут”га қарши баҳсда 1-тайм ўйнаб, захирага олинганди.
Маълумот учун, “Манчестер Юнайтед” - “Манчестер Сити” ўйини 6 апрель куни ўтказилади. Мазкур дерби Англия чемпионати 31-туридан ўрин олган бўлиб, баҳсга афсонавий “Олд Траффорд” стадиони мезбонлик қилади.
Live
Барчаси
