“Ҳумо арена” муз саройи жаҳон чемпионатига мезбонлик қилиши мумкин

Sport

−

12 June 2019 visibility6484 timer1 minute

Тошкентда “Ҳумо арена” кўп тармоқли муз саройининг барпо этилиши энг йирик спорт мусобақаларини қабул қилиш имкониятини яратмоқда. Ушбу аренада кўплаб спорт турларида жаҳон чемпионати каби нуфузли мусобақаларни юқори савияда ўтказиш мумкин.

Ўзбекистонда қишки спорт турларини ривожлантириш ва уларни аҳоли орасида янада оммалаштириш мақсадида қатор истиқболли ишлар олиб борилмоқда. Ўзбекистон 2022 йили фигурали учиш бўйича ёшлар ўртасида жаҳон чемпионатини қабул қилиш ниятида. Бу борада Халқаро конькичилар иттифоқига расмий ариза топширилган ва Ўзбекистон бу борада айни пайтда якка даъвогар бўлиб турибди. Бу ҳақда МОҚ Матбуот хизмати хабар тарқатди.