Ҳукумат болаларни мактабга қабул қилиш бўйича давлат хизматлари кўрсатиш регламентини тасдиқлади

Жамият

−

09 Июнь 2019 visibility5304 timer1 дақиқа

Ўзбекистон Республикаси Вазирлар Маҳкамасининг жорий йил 7 июндаги қарори билан Болаларни давлат умумий ўрта таълим муассасаларига ўқишга қабул қилиш бўйича давлат хизматлари кўрсатишнинг маъмурий регламенти тасдиқланди. Бу ҳақда “Ҳуқуқий ахборот” каналида хабар берилди.

2019/2020 ўқув йилидан бошлаб болаларни умумий ўрта таълим муассасаларига қабул қилиш жараёни Давлат хизматлари марказлари ёки Ўзбекистон Республикаси Ягона интерактив давлат хизматлар портали орқали босқичма-босқич амалга оширилади.

Қабул 2019/2020 ўқув йиллари учун 20 июндан, келгуси ўқув йиллари учун 15 июндан бошланади ва 31 августга қадар давом этади.

Қарор билан шунингдек, 2019/2020 ўқув йиллари учун қабул жараёни Давлат хизматлари марказлари ёки портал орқали амалга ошириладиган умумий ўрта таълим муассасалари рўйхати тасдиқланди.

Мақола муаллифи