Баҳодир Жалоловнинг АҚШдаги жанги бекор қилинди
Спорт
−
24 Июль 2025 14764 1 дақиқа
Ўзбекистонлик супероғир вазн тоифасидаги боксчи Баҳодир Жалоловнинг АҚШда 26 июль куни бўлиб ўтиши керак бўлган жанги бекор қилинди. Бу ҳақда “Top Rank” хабар берди.
Жалолов АҚШнинг Нью-Йорк шаҳридаги машҳур “Мэдисон Сквер Гарден”нинг кичик аренаси – Madison Square Theaterʼда италиялик Жанмарко Кардиллога қарши рингга чиқиши керак эди. Бироқ Кардилло соғлиғи билан боғлиқ муаммолар туфайли жангда иштирок эта олмаслиги маълум қилинган.
Маълумот учун, Баҳодир Жалолов шу кунга қадар профессионал боксда 15 марта жанг ўтказиб, уларнинг 14 тасида муддатидан аввал ғалаба қозонган.
Эслатиб ўтамиз, Жалолов ўзининг сўнгги жангини 5 апрель куни Остонада ўтказган ва профессионал фаолиятида биринчи марта рақибини нокаутга учрата олмаган эди. У украиналик Игорь Шевадзуцкийни 10 раунд давом этган тўқнашувда ҳакамларнинг якдил қарори билан мағлуб этган.
