Путин ўт билан ўйнашяпти – Трамп

АҚШ Президенти Дональд Трамп Россия Президенти Владимир Путиннинг ҳаракатларини яна бир бор танқид қилди. Бу ҳақда у кеча, 27 май куни ўзининг Truth Social ижтимоий тармоғида ёзди.

“Владимир Путин тушунмайдиган нарса шундаки, агар мен бўлмаганимда, Россия билан жуда ёмон воқеалар аллақачон содир бўлган бўларди – ва мен ЖУДА ЁМОН демоқчиман. У олов билан ўйнашяпти!” деб ёзган Трамп.

Сўнгги бир неча кун ичида Трамп Путин ҳақида жуда қаттиқ гапира бошлади. 25 май куни Россиянинг Украинага берган оммавий зарбасидан сўнг АҚШ Президенти “кўп одамларни ўлдирадиган” Путиндан норозилигини билдирди. Кейинроқ Трамп Россия Президенти “ақлдан озган” деган фикрни билдирди.

“The Wall Street Journal” 26 май куни Трамп шу ҳафта охиригача Россияга қарши янги санкциялар жорий этиш имкониятини кўриб чиқаётгани ҳақида ёзди.

Эслатиб ўтамиз, олдинроқ АҚШ Президенти Дональд Трамп Украинада ўт очишни тўхтатишга эришилган муваффақиятсиз уринишдан сўнг шу ҳафтанинг бошида Россияга қарши янги санкциялар киритиш имкониятини кўриб чиқаётгани хабар қилинганди.