Байден президентлик даврида саратон учун тест топширмагани аниқланди

АҚШнинг собиқ президенти Жо Байден 2021 йилдан 2025 йилгача президентлик даврида простата саратони текширувидан ўтмади. Бу ҳақда кеча, 20 май куни Wall Street Journal (WSJ) Американинг собиқ раҳбари вакилига таяниб хабар берди.

Қайд этилганидек, Байден охирги марта 2014 йилда АҚШ вице-президенти лавозимида ишлаган (2009-2017 йиллар) бу касаллик бўйича текширувдан ўтган эди. Нашр собиқ президент шифокорлари аввал Байден билан маслаҳатлашмай туриб, уни мустақил текширишдан бош тортишга қарор қилганини истисно этмайди. 

Газетанинг таъкидлашича, простата саратони собиқ президент ёшидаги (Байден 82 ёшда) эркаклар орасида кенг тарқалган бўлса-да, простата ўзига хос антигени учун қон тести 80 ёшдан ошган беморлар учун стандарт тиббий процедура эмас. 

Байденнинг идораси аввалроқ унга простата саратонининг суякларга метастаз берган агрессив шакли ташхиси қўйилганини айтган эди. 2023 йилнинг март ойида у хавфли тери лезёнини олиб ташлаш учун операция қилинди. АҚШ Президенти Дональд Трамп Байденнинг ташхиси эндигина маълум бўлганига шубҳа билдириб, яширин бўлиши мумкинлигига ишора қилди.