Перу собиқ президенти 15 йилга қамалди

Перу суди собиқ президент Ольянта Умалани 15 йилга озодликдан маҳрум қилди. У пул ювишда айбдор деб топилди. Бу ҳақда “Reuters” хабар берди.

Маълум қилинишича, собиқ президент Бразилиянинг Odbercht  қурилиш компаниясидан 2011 йилги сайловларда пул олганликда айбланган. Унинг рафиқаси Надин Эредиа ҳам худди шундай муддат олган.

Ҳукм эълон қилингандан сўнг, Эредиа Бразилиянинг Лимадаги элчихонасига дипломатик бошпана сўраб мурожаат қилган – унга ва кенжа ўғлига Бразилияга келиш учун рухсат берилган. Перу оиланинг хавфсиз чиқиб кетишини таъминлашга ваъда берган. Адвокатларнинг таъкидлашича, Эредиа саратон касаллигига чалинган ва аввалроқ унга Бразилияга даволаниш учун боришга рухсат берилмаган.

2011 йилдан 2016 йилгача собиқ ҳарбий ва мамлакат президенти бўлган Умаланинг ўзи энди мамлакатнинг бошқа собиқ раҳбарлари сақланаётган Барбадо қамоқхонасида жазо ўташи кутилмоқда. Педро Кастильо ва Алехандро Толедо аллақачон  шу қамоқхонадан жой олган. 2023 йилда озод этилгунга қадар у ерда собиқ президентлардан бири Альберто Фухимори ҳам бўлган.

Умаланинг иши бўйича суд жараёни уч йил давом этган. Прокуратуранинг таъкидлашича, маблағлар сайловда Кейко Фухиморига қарши туриш учун Умали миллатчилик партияси орқали олинган.

“Ҳимоячиларнинг эътирозларига қарамай, ҳукм дарҳол кучга киради – ҳатто апелляция берилган тақдирда ҳам. Суднинг якуний қарор 29 апрель куни қабул қилиниши кутилмоқда”, дейилади хабарда.

Умаланинг адвокати Вильфредо Педраса ҳукмни ҳаддан ташқари ошиб кетиш деб атаган. У шикоят аризаси беришга ваъда берган.

Бу иш деярли бутун Лотин Америкасини қамраб олган “Лава Жато” коррупцияга қарши кенг кўламли операциянинг давоми бўлди. Илгари минтақадаги энг йирик қурилиш компанияларидан бири бўлган Odbercht ўнлаб йиллар давомида шартномалар эвазига амалдорларга пора берганини тан олган. 2020 йилда у ўз номини ўзгартирган.

Маълумот учун, Умала бу ишда иштирок этган тўртинчи ва ҳақиқий муддатга сайланган иккинчи Перу президенти бўлди. 2019 йилда собиқ президент Алан Гарсия ҳибсга олиш ордери билан келишганида ўз жонига қасд қилган. 2018 йилда Педро Пабло Кучински шунга ўхшаш айбловлар туфайли истеъфога чиққан. Odbercht собиқ топ-менежерларининг таъкидлашича, компания сўнгги 30 йил ичида Перудаги деярли барча президентлик кампанияларини молиялаштирган.

Эслатиб ўтамиз, аввалроқ Қирғизистоннинг 2011-2017 йиллардаги собиқ президенти Алмазбек Атамбаев 11 йилга озодликдан маҳрум қилиниши мумкинлиги ҳақида хабар берилганди.