Трамп ўз клубидаги гольф мусобақасида ғолиб бўлди (видео)
Олам
−
17 Март 1312
Америка Қўшма Штатлари Президенти Дональд Трамп ўз клубида ташкил қилган гольф турнирида ғалаба қозонди. Бу ҳақда Америка етакчиси кеча, 16 март куни Truth Social ижтимоий тармоғида ёзиб қолдирди.
“Мен ҳозиргина Флорида штатидаги “Trump International Golf” клубида клуб чемпионлигини қўлга киритдим. Қандай катта шараф! Қандай завқ”, дея ёзган Трамп.
ОАВ маълумотларига кўра, Трампнинг гольф ўйинига бўлган қизиқиши 18,2 миллион долларга баҳоланмоқда, гап жорий йилнинг январь ойидан бери америкалик солиқ тўловчилар тўлаган сумма ҳақида кетмоқда.
“Айниқса, қўриқлашга катта маблағ сарфланади”, дейилади хабарда.
Эслатиб ўтамиз, 2024 йилнинг сентябрь ойида Дональд Трампга ўз гольф клубида яқин масофадан ўқ отилганди.
