Зангиотадаги цехга ўт кетди (видео)
Crime
−
27 October 2025 5022 1 minute
Кеча, 26 октябрь куни Тошкент вилоятининг Зангиота туманида жойлашган “целлофан” пакетлари ишлаб чиқариш цехида ёнғин содир бўлди. Бу ҳақда вилоят Фавқулодда вазиятлар бошқармаси хабар берди.
Маълум қилинишича, соат 20:06 да туманнинг “Назарбек” МФЙ, Ҳуррият кўчасида жойлашган “целлофан” пакетлари ишлаб чиқариш цехида ёнғин содир бўлгани тўғрисида ФВБга хабар келиб тушган.
Ҳодиса жойига 8 та ёнғин-қутқарув экипажи соат 20:17 да етиб бориб, соат 20:51 да ёнғин ўраб олинган ва соат 21:40 да ўчирилган.
Билдирилишича, тан жароҳати олганлар тўғрисида мурожаат келиб тушмаган.
Эслатиб ўтамиз, аввалроқ Тошкент шаҳар, Сергели туманидаги кўп қаватли уйларнинг бирида ёнғин содир бўлганди.
Live
All
