Ўзбекистонлик шахматчи қиз Жаҳон кубогига йўлланмани қўлга киритди

Sport

−

09 April 2025 visibility5160 timer1 minute

Ўзбекистонлик шахматчи Афруза Ҳамдамова Қозоғистоннинг Олмаота шаҳрида ўтказилган 3.4-ҳудудий Осиё чемпионатида биринчи ўринни эгаллаб, FIDE Жаҳон кубоги мусобақасига йўлланмани қўлга киритди. Бу ҳақда “UzChess” лойиҳаси матбуот хизмати хабар берди.

Манбага кўра, Ҳамдамова мазкур турнирда 9 турда 6 та ғалаба ва 3 та дуранг қайд этиб, 7.5 очко тўплади ва рейтингни 17.6 баллга яхшилади.

Маълумот ўрнида, Жаҳон кубоги жорий йилнинг 5-29 июль кунлари Грузиянинг Батуми шаҳрида бўлиб ўтади.

Author