Ўзбекистонда 10 ой давомида қанча шахс оқлангани очиқланди

Local

−

05 December 2024 visibility4079 timer1 minute

Ўзбекистонда жорий йилнинг 10 ойи давомида 603 нафар шахсга нисбатан оқлов ҳукми чиқарилган. Бу ҳақда Олий суд матбуот котиби Азиз Обидов маълум қилди.

Билдирилишича, жорий йилнинг 10 ойи давомида:

1 289 нафар шахсга нисбатан жазо тайинланмасдан ҳукм чиқарилган;
10 866 нафар шахсга оид жиноят ишлари тарафлар ярашгани муносабати билан тугатилган;
5 603 нафар шахсга асоссиз қўйилган айблар уларнинг айбловидан чиқарилган;
8 041 нафар шахснинг ҳаракатлари айбига мувофиқ қайта квалификация қилинган;
4 934 нафар шахс суд залидан қамоқдан озод қилинган;
27 302 нафар шахс тайинланган жазодан шартли озод қилинган;
9 547 нафар шахсга тайинланган жазолар енгилроғи билан алмаштирилган.

Эслатиб ўтамиз, аввалроқ жорий йилнинг 10 ойи давомида қанча фуқаролар ҳақорат қилиш ва туҳмат билан судлангани маълум қилинган эди.

Author