Ўзбекистон Қатар ва Қувайт билан сиёсий мулоқотларни кенгайтиради

Local

−

16 October 2023 visibility3148 timer1 minute

13 октябр куни Ўзбекистон ташқи ишлар вазири ўринбосари Баҳром Аълоев Қувайт ва Қатар давлатларининг мамлакатдаги фавқулодда ва мухтор элчилари Аҳмад ал-Жийрон ва Ҳасан Ҳамза Ҳошим билан учрашди. Бу ҳақда "Дунё" АА хабар берди.

Мамлакат Ташқи ишлар вазирлиги матбуот хизмати маълумотига кўра, музокараларда Ўзбекистоннинг ушбу давлатлар билан сиёсий мулоқотини кенгайтириш масалалари муҳокама қилиниб, савдо-иқтисодий ва инвестициявий алоқаларни ривожлантириш, маданий-гуманитар алмашувларни фаоллаштиришга алоҳида эътибор қаратилган.

Бундан ташқари, бўлажак олий ва юқори даражадаги қўшма тадбирлар жадвали ва ташкилий жиҳатлари кўриб чиқилган.

Эслатиб ўтамиз, Ўзбекистон Президенти Шавкат Мирзиёев ва Қатар Амири шайх Тамим бин Ҳамад Ол Сонийнинг музокараларидан сўнг икки томонлама ҳужжатларни имзолаш маросими бўлиб ўтганди.

Author

Ўзбекистон Қатар ва Қувайт билан сиёсий мулоқотларни кенгайтиради

Sarvar Rahimov