Ўзбекистон дунёнинг энг қудратли давлатлари рейтингига кирди

Ўзбекистон жорий йилги дунёнинг энг қудратли ва таъсирли мамлакатлари рейтингида 71-ўринни эгаллади. Бу ҳақдаги маълумотлар “World Population Review” сайтида эълон қилинди.

Маълумотларга кўра, Қозоғистон Марказий Осиёдан рўйхатнинг биринчи ярмига кирган ягона мамлакат бўлди. Ўзбекистон 71-поғонада жойлашди. 100 та давлатдан иборат рейтингга Қирғизистон, Тожикистон ва Туркманистон киритилмаган.

Биринчи ўринни Хитой эгаллади. Иккинчи поғонада АҚШ, учинчида эса Ҳиндистон жойлашган. Биринчи ўнталикка, шунингдек, Германия, Япония, Жанубий Корея, Франция, Буюк Британия, Мексика ва Италия кирган. Россия 11-ўринни эгаллаган.

Рейтингнинг охирги ўринларини Сейшел ороллари, Ироқ, Панама, Баҳрайн, Албания, Зимбабве, Мўғулистон, Ливан ва Кипр эгаллаган.

Рейтинг Пенсильвания университетининг Уортон мактаби ҳамда BAV Group билан ҳамкорликда “U.S. News & World Report” томонидан ўтказиладиган ҳар йилги “Best Countries” тадқиқоти маълумотлари асосида тузилган.

Мамлакатларни баҳолашда уларнинг таъсирини ташкил этувчи турли омиллар, жумладан, ҳарбий қудрати, иқтисодий имкониятлари, сиёсий таъсири, нуфузли геосиёсий блоклардаги иштироки, шунингдек, савдо-иқтисодий таъсири ҳисобга олинади.

Эслатиб ўтамиз, аввалроқ Тошкент Oxford Economics ташкилотининг 2026 йилги “Global Cities Index” рейтингида 343-ўринни эгаллаб, Марказий Осиё шаҳарлари орасида учинчи натижани қайд этгани ҳақида хабар берилган эди.