Туркияда футболчи ўйин вақтида юрак хуружига учради

Туркиянинг Бартин шаҳрида футбол учрашуви вақтида 35 ёшли футболчи юрак хуружига учраб, шифохонага ётқизилди. Бу ҳақда “Haber7” хабар берди.

Ҳодиса Туркия футбол федерацияси қуйи лигаси доирасидаги учрашув вақтида содир бўлган. “Арит Каядибиспор” ва “Генчлик Мимар Синан Спор” жамоалари ўртасидаги баҳсда мезбонлар 1:0 ҳисобида олдинда бораётган эди. Ўйинга қўшиб берилган дақиқаларда меҳмонлар жамоаси футболчиси Акин Карааслан тўсатдан ўзини ёмон ҳис қилиб, майдонга йиқилган.

Ҳодиса жойига тез тиббий ёрдам ходимлари чақирилган. Футболчига дастлабки ёрдам кўрсатилгач, у тез ёрдам машинасида Бартин давлат шифохонасига олиб кетилган.

Маълум қилинишича, юрак хуружидан сўнг футболчида шифохонада ангиография текшируви ўтказилган.

Эслатиб ўтамиз, аввалроқ Туркия Суперлигасининг 4-туридан ўрин олган “Фенербаҳче” – “Бешиктош” дербисида “Фенербаҳче” мухлиси Яшар Герчек трибунада юрак хуружига учраган ва шифокорларни тиббий ёрдамига қарамай вафот этганди.