Туркияда 6,1 магнитудали зилзила содир бўлди (видео)

World

−

11 August 2025 visibility11412 timer1 minute

Кеча, 10 август куни соат 19:55 да Туркия шимоли-ғарбида 6,1 магнитудали зилзила содир бўлди. Бу ҳақда “Sondakika” хабар берди.

Зилзила Баликесир вилоятининг Синдирги туманида қайд этилган. Зилзила эпимаркази 11 км чуқурликда жойлашган.

Зилзила оқибатида Синдиргида бир бино қулаб тушди. Туркия Фавқулодда вазиятлар ва табиий офатлар бошқармаси (AFAD) қулаган бино остидан тўрт киши олиб чиқиб кетилганини маълум қилди.

Баликесирдаги 6,1 магнитудали зилзиладан сўнг, эпимаркази Синдирги туманида бўлган учта зилзила қайд этилган: 4,6, 4,1 ва 4,0.

Ички ишлар вазири Али Ерлиқоянинг маълум қилишича, зилзила оқибатида бир киши ҳалок бўлган, 29 киши жароҳатланган. 16 та бино қулаб тушган.

Author