Трамп яна президентликка номзодини қўймоқчи

Америка Президенти Дональд Трамп учинчи муддатга АҚШ Президенти лавозимига номзодини қўйишни хоҳлашини айтди, бироқ мамлакат қонунлари бу борада жуда қатъий. У бу ҳақда Вашингтон яқинидаги Эндрюс ҳарбий базасига ташрифи вақтида журналистлар билан суҳбатда маълум қилган. 

“Мен ўз номзодимни қўймоқчи эдим, лекин қонун жуда қаттиқ”, дейди Трамп.  

Трампнинг сўзларига кўра, “ҳамма” у учинчи муддатга ҳам номзодини қўйишини хоҳлайди.

Қонунга кўра, Трампнинг президентликдаги иккинчи муддати 2029 йил январь ойида тугаши керак. 1951 йилда қабул қилинган АҚШ Конституциясига 22-тузатиш президентнинг лавозимда бўлиш муддатини икки муддат билан чеклайди. Шунга қарамай, Американинг амалдаги раҳбари учинчи муддатга қайта сайланиш имкониятини бир неча бор тан олган.

Трамп 2024 йил ноябрь ойида бўлиб ўтган сайловларда иккинчи марта ғалаба қозонди. У Демократик партиядан номзод Камола Ҳаррисни мағлуб этди. Трамп биринчи марта 2017-2021 йилларда Америка маъмуриятини бошқарган.