Трамп америкаликларнинг кўнглини кўтарадиган маълумот айтди
World
−
14 April 2020 16720 1 minute
АҚШ Президенти Дональд Трамп мамлакатда коронавирусга чалиниш ҳолатлари камаяётганини маълум қилди. Бу ҳақда “Интерфакс” хабар бермоқда.
Унинг маълум қилишича, Қўшма Штатлар COVID-19 га қарши курашда “муҳим ютуқларга эришмоқда”.
“Дам олиш кунлари ҳисоботи инфекцияга чалинганлар сони камаяётганини кўрсатмоқда”, деди Трамп.
Унинг сўзларига кўра, АҚШнинг Нью-Йорк, Нью-Жерси, Мичиган ва Луизиана штатларининг инфекция ўчоғи бўлган жойларда “касалхоналарга ётқизилишлар сони камаймоқда”.
Сўнгги маълумотларга кўра, АҚШда коронавирусга 586 941 нафар одам чалинди. 36 948 бемор шифо топган бўлса, 23 640 киши вафот этди.
