Тошкентнинг айрим марказий кўчалари ёпилади

Жорий йилнинг 4 июнь куни пойтахт Тошкент шаҳрининг айрим кўчалари вақтинча ёпилади. Бу ҳақда шаҳар ҳокимлиги Матбуот хизмати хабар берди.

Келтирилишича, бугун 3 июнь –  Бутунжаҳон велосипед куни муносабати билан веломарафон ўтказилиши режалаштирилган. Шу муносабат билан 4 июнь куни соат 8:00 дан 11:00 га қадар бир неча кўчаларда транспорт воситалари ҳаракати чекланади.

Қуйида мазкур кўчалар рўйхати билан танишишингиз мумкин:

• Абай кўчаси Абдулла Қодирий кўчаси билан кесишмасидан Алишер Навоий кўчаси кесишмасигача;
• Олмазор кўчаси Алишер Навоий кўчаси билан кесишмасидан “Ўзбекистон” метро бекатигача;
• Афросиёб кўчаси “Ўзбекистон” метро бекатидан Нукус кўчаси билан кесишмасигача;
• Нукус кўчаси Афросиёб кўчаси билан кесишмасидан Фарғона йўли кўчаси кесишмасигача;
• Абдулла Қодирий кўчаси Фарғона йўли кўчаси билан кесишмасидан Абай кўчаси кесишмасигача бўлган йўлларда транспорт ҳаракати вақтинча тўхтатилади.