Toshkentning ayrim markaziy ko‘chalari yopiladi

Joriy yilning 4 iyun kuni poytaxt Toshkent shahrining ayrim ko‘chalari vaqtincha yopiladi. Bu haqda shahar hokimligi Matbuot xizmati xabar berdi.

Keltirilishicha, bugun 3 iyun –  Butunjahon velosiped kuni munosabati bilan velomarafon o‘tkazilishi rejalashtirilgan. Shu munosabat bilan 4 iyun kuni soat 8:00 dan 11:00 ga qadar bir necha ko‘chalarda transport vositalari harakati cheklanadi.

Quyida mazkur ko‘chalar ro‘yxati bilan tanishishingiz mumkin:

• Abay ko‘chasi Abdulla Qodiriy ko‘chasi bilan kesishmasidan Alisher Navoiy ko‘chasi kesishmasigacha;
• Olmazor ko‘chasi Alisher Navoiy ko‘chasi bilan kesishmasidan “O‘zbekiston” metro bekatigacha;
• Afrosiyob ko‘chasi “O‘zbekiston” metro bekatidan Nukus ko‘chasi bilan kesishmasigacha;
• Nukus ko‘chasi Afrosiyob ko‘chasi bilan kesishmasidan Farg‘ona yo‘li ko‘chasi kesishmasigacha;
• Abdulla Qodiriy ko‘chasi Farg‘ona yo‘li ko‘chasi bilan kesishmasidan Abay ko‘chasi kesishmasigacha bo‘lgan yo‘llarda transport harakati vaqtincha to‘xtatiladi.