Тошкентдаги мебель корхонасида ёнғин чиқди (видео)
Local
−
08 May 2024 8375 1 minute
Бугун, 8 май куни Тошкент шаҳрининг Яшнобод туманидаги мебель корхонасида ёнғин содир бўлди. Бу ҳақда шаҳар Фавқулодда вазиятлар бошқармаси хабар берди.
Билдирилишича, соат 11:25 да туманнинг Мухтор Ашрафий кўчасида жойлашган мебель ишлаб чиқариш корхонасида ёнғин бўлаётганлиги тўғрисида ФВБга хабар тушган. 5 дақиқа ичида айтилган манзилга ёнғин-қутқарув экипажи етиб борган. Ёнғинни ўчириш ишлари ҳозир ҳам давом этмоқда.
Маълум қилинишича, ёнғин оқибатида фуқароларда куйиш, тан жароҳати олиш ва ҳалок бўлиш ҳолатлари йўқ.
Эслатиб ўтамиз, 4 май куни Тошкент шаҳридаги “Modern Sergeli” қурилиш объектида ёнғин содир бўлганди.
Live
All
