Тошкентда ёнғин хавфсизлигига риоя қилмаган бозор фаолияти тўхтатилди

Local

−

10 February visibility7337 timer1 minute

Тошкент шаҳрида жойлашган қурилиш бозорининг (Строй город) 2-блокида фаолият вақтинча тўхтатилди. Бу ҳақда Фавқулодда вазиятлар вазирлиги хабар берди.

Маълум қилинишича, кеча, 9 февраль куни Тошкент шаҳар ФВББ томонидан Учтепа туманида жойлашган қурилиш бозорида савдо бинолари ва хоналари тегишли тартибда текширилган.

Текширув давомида бозорнинг 2-блокида ёнғин хавфсизлиги қоидаларининг қўпол равишда бузилгани аниқланган ва камчиликлар тўлиқ бартараф этилгунга қадар 2-блок иш фаолияти вақтинча тўхтатилган.

Эслатиб ўтамиз, 5 февраль куни Тошкент шаҳри ҳудудида одамлар гавжум бўлиши мумкин бўлган биноларнинг фавқулодда вазиятлар, хусусан, ёнғин хавфсизлиги талабларига мувофиқлиги юзасидан давлат ёнғин назорати органлари томонидан текширувлар ўтказилганди.

Author