Тошкентда иситиш мавсуми бошланяпти
Local
−
25 October 2019 7720 1 minute
Бугун, 25 октябрь кунидан Тошкент шаҳар ҳокимининг қарорига асосан, пойтахтда иситиш мавсуми бошланди. Бу ҳақда пойтахт ҳокимлиги Матбуот хизмати хабар берди.
Қарорга мувофиқ, иситиш мавсумига ўтиш 2 босқичда амалга оширилади:
Биринчи босқичда – ижтимоий соҳа объектларида (мактабгача таълим, халқ таълими ва соғлиқни сақлаш муассасаларида).
Иккинчи босқичда – кўп қаватли уй-жойлар ва маъмурий биноларда.
Қарор билан, иситиш мавсумига ўтишни якунлаш, жорий йилнинг 30 октябрь кунига қадар белгиланган.
“Агар Сизнинг турар-жойингизда иссиқлик таъминоти ёқилиши жараёнида муаммолар юзага келса, у ҳолда Тошкент шаҳар хокимлиги қошидаги Коммунал хизматлар бошқарув марказининг 1055 қисқа
ва (71) 210-01-87 рақамларига мурожаат қилишингизни сўраймиз”, дейди ҳокимлик ахборот хизмати.
