Тошкент Шимолий вокзали туннелида транспорт ҳаракати чекланди

Local

−

05 August 2023 visibility5574 timer1 minute

Тошкент шаҳрининг Миробод туманида жойлашган Шимолий вокзал туннелида автомобиллар ҳаракати вақтинча чекланади. Бу ҳақда Тошкент шаҳар ҳокимлиги Ахборот хизмати хабар берди.

Келтирилишича, пойтахтнинг Кичик ҳалқа йўли Шимолий вокзал туннелида автотранспортлар ҳаракати бугун, 5 август куни соат 23:00 дан 6 август 09:00 га қадар ва 6 август 23:00 дан 7 август 09:00 га қадар вақтинча тўхтатилади. Чекловга “Уч қаҳрамон” бадиий фильмининг навбатдаги эпизодлари айнан шу ерда тасвирга олиниши сабаб қилиб олинган.

“Тасвирга олиш жараёнида барча хавфсизлик чоралари кўрилади. Пойтахтимиз аҳолиси ва меҳмонларидан юзага келаётган ноқулайликлар учун узр сўраймиз” , дейилади ҳокимлик хабарида.

Author