Toshkent Shimoliy vokzali tunnelida transport harakati cheklandi
Jamiyat
−
05 avgust 2023
3447Toshkent shahrining Mirobod tumanida joylashgan Shimoliy vokzal tunnelida avtomobillar harakati vaqtincha cheklanadi. Bu haqda Toshkent shahar hokimligi Axborot xizmati xabar berdi.
Keltirilishicha, poytaxtning Kichik halqa yo‘li Shimoliy vokzal tunnelida avtotransportlar harakati bugun, 5 avgust kuni soat 23:00 dan 6 avgust 09:00 ga qadar va 6 avgust 23:00 dan 7 avgust 09:00 ga qadar vaqtincha to‘xtatiladi. Cheklovga “Uch qahramon” badiiy filmining navbatdagi epizodlari aynan shu yerda tasvirga olinishi sabab qilib olingan.
“Tasvirga olish jarayonida barcha xavfsizlik choralari ko‘riladi. Poytaxtimiz aholisi va mehmonlaridan yuzaga kelayotgan noqulayliklar uchun uzr so‘raymiz” , deyiladi hokimlik xabarida.
LiveBarchasi