Соболенко “US Open” финалидаги ҳаракати учун жаримага тортилди

Беларуслик теннисчи Арина Соболенко мавсумнинг сўнгги “Катта дубулға” турнири – “US Open” финалидаги хатти-ҳаракатлари учун 7500 доллар жаримага тортилди. Бу ҳақда спорт журналисти Михал Самульский X ижтимоий тармоғида хабар берди.

Жорий йилнинг 12 сентябрь куни бўлиб ўтган финал учрашувида Соболенко Қозоғистон вакили Елена Рибакинага мағлуб бўлди. Шу тариқа Рибакина турнир якунига кўра Соболенкодан ўзиб, дунёнинг биринчи рақамли теннисчисига айланди. Беларуслик спортчи эса ўтган йили “US Open” турнирида ғолиб чиққан эди.

Финалда ҳал қилувчи очкодан сўнг Соболенко ракеткасини ерга ташлади. Кейин уни олиб, Рибакина билан қўл бериб кўришди ва захира ўриндиғи томон йўл олди. У ерда беларуслик теннисчи ракеткасини синдириб, уни бир неча марта кортга урди. Шунингдек, видеотасвирга олувчи унга яқинлашишга уринганида 28 ёшли теннисчи қўпол сўзлар ишлатган.

Маълумот учун, Соболенко ҳозирда дунё рейтингида иккинчи ўринга бормоқда. Унинг WTA турнирларидаги чемпионликлари сони 24 тага етган бўлиб, уларнинг тўрттаси “Катта дубулға” мусобақаларида қўлга киритилган.