Шомуродов янги мавсумни гол билан бошлади

Ўзбекистон миллий терма жамоаси футболчилари – Элдор Шомуродов ва Аббосбек Файзуллаев Туркия Суперлигасининг янги мавсумини гол ва ассист билан бошлади.

Кеча, 16 август куни 1-тур доирасида “Башакшехир” ўз майдонида “Кожaэлиспор”ни қабул қилиб, 2:0 ҳисобида ғалаба қозонди. Учрашувда ҳар икки ўзбекистонлик футболчи ҳам асосий таркибда майдонга тушди.

Ҳисоб 14-дақиқада очилди. Аббосбек Файзуллаев жамоадоши Кристофер Оперининг голига ассистентлик қилди. 23 ёшли ярим ҳимоячи 63-дақиқада захирага олинди.

Элдор Шомуродов эса учрашувни асосий таркибда бошлаб, 75 дақиқа майдонда ҳаракат қилди. Ўзбекистонлик ҳужумчи 72-дақиқада рақиб дарвозасини ишғол қилиб, янги мавсумдаги биринчи голини урди.

Шу тариқа, “Истанбул Башакшехир” янги мавсумни ишончли ғалаба билан бошлади. 

Эслатиб ўтамиз, Элдор Шомуродов ўтган 2025-2026 йилги мавсумда Туркия Суперлигасида тўпурари бўлганди.