Саудия клуби Неймар трансфери учун курашга қўшилди

Sport

−

10 August 2023 visibility4373 timer1 minute

Неймар фаолиятини Саудия Арабистонида давом эттириши мумкин. Бу ҳақда “Relevo” хабар берди.

Манбага кўра, бразилиялик футболчининг трансферига “Ал-Ҳилол” қизиқмоқда. Саудия Арабистони клуби ҳужумчи хизматлари учун 200 миллион евродан ортиқ маблағ сарфлашга тайёр. Бу суммага трансфер нархи ва футболчининг 3 йиллик маоши киради. “Ал-Ҳилол” аввалроқ Килиан Мбаппе учун таклиф қилган маблағининг бир қисмини Неймар учун сарфламоқчи.

Парижликлар футболчини “Ал-Ҳилол”га юбориш ниятида, чунки улар ҳужумчини Европа жамоасига сотмоқчи эмас. Футболчининг ўзи Саудия Арабистонига кўчиб ўтиш истиқболига шубҳа билан қарамоқда.

Неймарнинг эҳтимолий трансфери ҳақида ҳозирча аниқ маълумотлар йўқ. Айни пайтда “Ал-Ҳилол” ва ПСЖ фақат Марко Верратти трансферини муҳокама қилмоқда. Тез орада Неймар бўйича ҳам музокаралар бошланиши кутиляпти.

Author